TagzaniaTagzania is closing
Next March 31st Tagzania will stop working. Be sure to download all your data in your profile view before that date. Thank you for all your support these years.
Tagzania ixtera doa
Datorren martxoak 31an Tagzania itxiko dugu. Ziurtatu zure datu guztiak deskargatzen dituzula zure profiletik egun hori baino lehen. Eskerrik asko urte guzti hauetako babesagatik.
AIAKO HARRIA PARKE NATURALA
Aiako Harria Parke Naturala Pirinioen azken hegietan dago, Gipuzkoako ekialdeko muturrean. Bertan dagoen mendigune paleozoikoan Euskal Herriko materialik antzinakoenak agertzen dira. Harri igneo batzuek behetik gorakoan zeharkatzen zituzten azaleko material paleozoikoak metamorfizatu eta, gaur egun agerian dago, erosioari esker, Aiako Harria osatzen duen granitozko masa ikusgarria. Horren material ezberdinen zerrendetan antolatutako formazio bitxi hori dugu Euskal Herriko aberastasun geologikorik handienetakoa.Aiako Harria hegi malkartsu, sakan eta ur-jauziek moldaturiko hainbat bailara estuk osatzen dute. Parkearen zati bat koniferoek estaltzen duten arren, bertako basoaren ordezkari bikainek ere irauten dute, hala nola Añarbeko harizti-pagadiak, Endarako harizti-ameztiak eta Oianlekuko pagadiak. Baso horiez gainera, aberastasun biologikoagatik eta bitxitasunagatik gehien nabarmentzen diren landaredi unitateetan azpimarratzekoak dira esfagnal txikiak, haitz silizeoak eta bazter babestuetako errekei loturiko komunitateak.Fauna, izaeraz, euro-siberiarra da, gehienbat: Parkean diren 147 espezieetako ornodunen artean basoetako piztiak aipatu behar dira (orkatza eta basurdea, adibidez), errupikolekin (sai arrea) eta uretakoekin batera (izokina, adibidez).Parkea nortasunez formazio naturalek bezain ongi edo hobeki janzten dute behinolako meategiek, eta horietan Arditurriko hobi erromatarrak nabarmentzen dira. Aiako Harri osoan zehar barreiatuta agertzen diren klase horretako ustiategi industrialen hondakinek oso paisaia berezia moldatzen dute: eguraste putzuak, meategiko sarbideak, burdinbideak etab., biziki ondare interesgarria osatuz. Horixe da gotorleku militar ugarien kasua ere (Erlaitz eta beste hainbat), eskualdean meategiez bestelako ondasun balioen agerpen baitira.Historiaurretik iraun duten ondare kulturalak ere han-hemenka ikus daitezke: trikuharriak, tumuluak eta cromlechak batez ere, eskualdeko biztanleek egiten zituzten hileta errituen seinale.Aisialdi alorretik izaniko berebiziko eskakizunari erantzuteko Aiako Harriaren barnean picnic gune ugari sortu behar izan dira, horietako gehienetara errepide nagusietatik zuzeneko irispidez lagunduta.Gehiago ezagutzeko klikatu hurrengo helbidean: http://www.gazteaukera.euskadi.net/r58-2247/eu/contenidos/informacion/enp/eu_1086/aiako_harria_e.html
Big map | Google Earth KML | OpenStreetMap
Embed
Did you see something wrong?, contact Tagzania.
