TagzaniaTagzania is closing
Next March 31st Tagzania will stop working. Be sure to download all your data in your profile view before that date. Thank you for all your support these years.
Tagzania ixtera doa
Datorren martxoak 31an Tagzania itxiko dugu. Ziurtatu zure datu guztiak deskargatzen dituzula zure profiletik egun hori baino lehen. Eskerrik asko urte guzti hauetako babesagatik.
URKIOLAKO PARKE NATURALA
Urkiola Parke Naturalean biltzen dira Aramotz mendizerrako lurralderik altuenak, Arratia, Durangalde eta Aramaioko haranaren arteko kareharrizko hesi itzela osatuz eta, aldi berean, Kantaurira eta Mediterraneora doazen errekak alde banatara bereiziz. Mendi hauen fisiografiak eta kokapen geografikoak moldaturiko paisaia malkartsuan, haitzak eta altuera handietako bazkalekuak dira nagusi; beherantz jaitsi ahala, berriz, pinu sailak, artadiak eta pagadi motzak ugalduz doaz mendi hegi gozoetan.Parkearen bihotz-bihotzean, San Antonio Abadearen eta Paduakoaren omenez eraikitako santutegira gertuko zein urrutiko herrietatik datoz erromes fededunak, tradizio luzeari jarraiki.Urkiolako gailur hauek mendizaletasunaren bizkorgarri izan dira aspalditik. Atxatxiki, Urrestei, Alluitz eta beste hainbatetako horma malkartsu gorriak eskaladan aritzeko toki aproposak izanik, euskal alpinista handi askoren haztegi eta probaleku dira. Denetan tontorrik garaiena eta bisita ugarien jasotzen dituena Anboto da: mendigoizale ausartenak soilik iristen dira erraldoi honen iparraldeko horman dagoen Mari jainkosaren bizitokia ikustera, baina badira beste hainbat harpe edo kobazulo ezagun eta sinboliko ere, hala nola Bolinkoba, Jentilkoba, Baltzola, Jentilen Zubia, etab.Parkean barrena hamaikatxo txango interesgarri egin daitezke: Ibilbide Luze (GR) eta Ibilbide Labur (PR) gisa adierazita daudenak, bide didaktikoak eta Parkeko berariazko ibilbideak, Toki Alai, Parketxe edota Informazio Gunean eskura daitezkeen liburuxketan zehaztasun osoz azaltzen direnak.Aisialdirako azpiegiturei dagokienez, aire zabalean gosaldu edo bazkaltzeko egokituta daude gune ugari. Horiez gainera, Santutegian dauden bi aterpetxeek Parkean lo egiteko aukera ematen dute, nork bere kasa kanpatzea debekatua baitago. Inguruko herrietako jatetxe anitzek ere, euskal sukaldaritzako betiko jakiez gainera, logelak ere modu onean eskaintzen dituzte, batzuek nekazalturismo eran.Gehiago ezagutzeko klikatu hurrengo helbidean: http://www.urkiola.net/Euskera/
Big map | Google Earth KML | OpenStreetMap
Embed
Did you see something wrong?, contact Tagzania.
