Tagzania is closing

Next March 31st Tagzania will stop working. Be sure to download all your data in your profile view before that date. Thank you for all your support these years.

Tagzania ixtera doa

Datorren martxoak 31an Tagzania itxiko dugu. Ziurtatu zure datu guztiak deskargatzen dituzula zure profiletik egun hori baino lehen. Eskerrik asko urte guzti hauetako babesagatik.

VALDEREJO PARKE NATURALA

Valderejo Parke Naturala kareharrizko hormatzarrez moldaturiko haran zabal batean dago. Bertako klima trantsiziokoa da, atlantikoa eta mediterranearraren tartekoa: uda partea lehor eta bero-beroa da; neguan, berriz, elurraren bisita ohiko kontua da. Gorabehera horiei esker, sekulako biodibertsitatea hauteman daiteke Valderejon: bai florari bai faunari dagokionez, bi ingurune horietan tipikoak diren espezieak bizi dira bertan.Puron ibaia da Parkea zeharkatzen duen erreka nagusia, Lahozetik iparraldera sortzen dena.Parke honetako landarezko azaleraren %58 basoa da, eta pinu gorriak betetzen du toki gehien, ondotik artea eta pagoa datozkiola; erkametza ugaria bada ere, ez da aurrekoak bezain erruz hedatzen. Haranaren ibarrean belardiak, soroak eta baratzeak ikusten dira, populazio guneen inguruan tartekatuak. Goi lautada zabala bazkalekuek eta sastrakak okupatzen dute, eta maiz haitz gorriak uzten dituzte agerian.Eskualdean ekosistema ugari eta gizaki gutxi izateari esker faunak era askotako aleak erakusten ditu, ugari erakutsi ere: basurdea, orkatza eta beste hainbat ugaztun handi, tamaina ertaineko mota askotako haragijaleak, sai arreen kolonia garrantzitsua eta plegu anitzetako hegazti errupikola eta basokoak.Halakotzat izendatu arte, bederen, Valderejoko Parke Naturalak ez zuen aisialdi erabilera ezagunik, kasik. Nolanahi ere, bertako paraje asko kultura eta natura balio handikoak dira, berdingabeak benetan, hala nola Lahoz - Sobron antiklinalaren itxitura, Puron ibaiko amildegia, baso ugariak, sai arreen kolonia, landa guneak etab. Horiez gainera, tradiziozko nekazaritza eta abeltzaintza erabileretan oinarritutako paisaiaren ederrak eta ondare kulturaleko elementuek natura eta landa giroko konbinazio erakargarria osatzen dute.Aisialdi eta jolas hornikuntza Lalastra aldera biltzen da. Bertan, Parketxe edota Informazio Gunearekin loturik, aire zabalean egun pasa egiteko eta haurrak jolasteko ekipamenduz hornituriko atsedenleku egokia dago. Ibiltzeko gogoz etorrita, 3,5 eta 12 kilometro bitarte dituzten bederatzi bideetakoren bat egin dezakegu eta, indarberritzeko garaian edo Parkean bisita amaitutakoan, toki horretan bertan lasaitasunezko pausaldia egiteko jatetxe eta landa turismoan diharduten establezimenduak ere aurki daitezke.Gehiago ezagutzeko klikatu hurrengo helbidean: http://www.gazteaukera.euskadi.net/r58-2247/eu/contenidos/informacion/enp/eu_1086/valderejo_e.html

Get Directions to here | Add a new place in this area | Hotels in ES.59.BU.09412

Big map | Google Earth KML | OpenStreetMap

jonalex (updated 14 years ago)

Embed


Did you see something wrong?, contact Tagzania.

Photos, Videos