Aspaldi baten zintzarriak egiten zituzten herrian eta horregatik gelditu zitzaien Txintxarri goitizena alegiarrei. Hori dela eta Tomas Ugartemendiak egindako eskultura hau.
Parrokia 1.643. urtean eraikia da. Estilo aldetik, Gotiko-neoklasikoa da, bigarrena gailentzen delarik batik bat. Parrokiaren barnean Kristoren taila gotikoa ikus genezake, Gipuzkoako onenetako bat, eta baita ere "Cavaille-Coll" organoa, Jose Manuel Lopetegik 1.881an oparitua. Eta segurtasun neurriengatik agerian ez badaude ere aipagarriak dira: Arantzazuko Ama, sevillar eskolako Luisa Roldana "La Roldana" eskultorearen lana, eta XV - XVI mendeen artean eginiko kustodia, errenazimenduko harribitxia.
RENFEren lokal zahar hau 1987an okupatu zuten herriko gazteek, kolorea eta bizia emanez. Autogestioren bidetik dirau zutik eta bizirik. Bertan antolatutako Bibalabirjen jaiek ospea haundia dute (uztailaren erdialdea).
Erdi aroko zubi hau Alegiako irudirik xarmangarri eta ezagunetako bat da eta Aralarko mendiak oria bailararekin komunikatzen zituena.1983ko uholdeak sortutako kalteen ondorioz zati batean eraberritua dago.
Udaletxeak estilo barrokoa du, alabaina, egileak, Martin Karrera Aranburu arkitektoak, bertako elementu herrikoiez osatutako apaingarriak ere sartu zizkion jakinduriaz. 1.770 urte inguruan Alegiako Udalak eraikin zaharra moldatzeko edo berreraikitzeko lanak egiteari ekin zion. Eraikin zahar hori (ziurrenik Udaletxea zen lehen ere) Plaza Nagusian zegoen. .
San Juan Kalea herriko elizaren eta Gurutze Santuaren Ermitaren artean dagoen kalea da. Kale hau Gaztelako Errege Bidea izan zen eta etxe bakarreko 2 etxe-ilaraz osatua zegoen. Herriko zerbitzu nagusiak kale honetan daude.
Oria ibai ertzean dagoen pasealeku honek km bat du eta herriaren alde zaharra ertza batetik besteraino zeharkatzen du, alde bateko amaiera garai batean "Txubi" izenez ezagutzen eta gaur egun afora lekua dagoen gunean du.
Maider Jauregiren argazkia.
Atsedenleku ezin hobe hau "Aldaba Txiki" herri mendian dago 250 m.ko altueran. Iturri, komun, haur parke, mahai eta eserleku, eta parrillaz hornitua dago, eta aterpetxo bat ere badu.
Tagzania
